رامي ربيعة: «معسكر المنتخب مهم لأنه بيعرفنا على حسام حسن أكتر»
تحدث رامي ربيعة مدافع النادي الأهلي ومنتخب مصر، عن أهمية معسكر الفراعنة الحالي، استعدادًا للمشاركة في دورة كأس العاصمة الإدارية الجديدة، في الفترة من 18 إلى 26 من شهر مارس الحالي.
وقال: ربيعة في تصريحات تلفزيونية عبر فضائية «أون تايم سبورتس»: «أكيد معسكر مهم جدًا بالنسبة لنا، لنتعرف على بعض أكتر وعلى كابتن حسام أكتر واللي ما اتعاملش معه يتعامل معه في الفترة دي، فبالنسبة لنا يعتبر معسكر تجريب».
وأضاف : «الهدف أن احنا نقرب من بعض أكتر ونفهم دماء بعض أكتر وده بيسهل لنا المأمورية على شهر ستة إن شاء الله، ونعرف بعض أكتر قبل الماتشات المهمة اللي جاية إن شاء الله».
وعن إقامة البطولة الودية في مصر قال ربيعة: ده أفضل للاعبين بدل السفر وبدل الإرهاق، انت قاعد هنا في بلدك أحسن، والتركيز يبقى أقوى، التمارين يبقى مواعيدها انت متعود عليها بعد الصيام. فبالنسبة لك أنت هيبقى الجمهور حاضر ودي حاجة تفرح اللعيبة طبعًا ونحاول نصالحهم طبعا على البطولة اللي فاتت وتحاول تقرب الجمهور أكتر من منتخب مصر».
وواصل: «بالنسبة للإخفاق اللي حصل ده طبيعي ومش هقول أسباب، انت بتحاول تصلح الأخطاء اللي حصلت عن طريق المدير الفني وبنحاول نقرب من بعض أكتر وبنحاول نفهم إيه الأخطاء اللي عملناها ونعالجها».
وأنهى: «المعسكر ده والبطولة الودية الدولية اللي هتقام به هتخلينا أن احنا نصلح أخطائنا بإذن الله ومنكررش الأخطاء اللي احنا عملناها، ودي شخصية كابتن حسام، شخصية قيادية شخصية قوية».
الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر لعملات الأجنبية، سعر العملات المحلية.
وكالات