فن وثقافة

دارين حلمي تكشف لأول مرة تفاصيل إنهاء علاقتها مع تامر عاشور

كشفت دارين حلمي ملكة جمال الكون لعام 2019، لأول مرة تفاصيل فسخ خطوبتها من المطرب المصري تامر عاشور، وذلك بعد الاتهامات التي وجهت لها خلال الفترة الماضية بأنها السبب وراء إصرار سمر أبو شقة الزوجة الأولى للفنان المصري على الطلاق وهو الأمر الذي أثار ضجة وجدلا كبيرا عبر السوشال ميديا.

ونشرت دارين حلمي منشورا مطولا عن علاقتها بتامر عاشور عبر إنستعرام، جاء فيه :”يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُواأَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَصدق الله العظيم, نظرًا لإتهامات و إشاعات اتوجهت لي الفترة اللي فاتت و بدون وجه حق فكان لازم أخرج عن صمتي و أوضح موقفي لإن مش دارين اللي تاخد راجل متجوز أو تكون سبب في خراب بيت حد”.

وأضافت “بالتالي مليش ذنب في اي حاجه ..تامر دخل البيت من بابه و اتقدم لأهلي رسمي على أساس انه مُطلق و ده اللي أنا كنت فاهماه زي زي جمهوره _ عادي ان بنت ترتبط براجل مُطلق مش ازمه _ و حصلت الخطوبة بشكل رسمي زي ما عرفتوا و مشيت الأمور في مجراها الطبيعي لحد ما بالصدفة اكتشفت انه لسة زوجته على ذمته و فيه قضايا بينهم و لم يتم الانفصال بشكل رسمي”.

وتابعت :”اي بنت في الموقف ده طبعًا لازم تنسحب مهما كان الحب و مهما كانت العواطف لأن مش دارين حلمي اللي تاخد راجل من زوجته مهما كان هو مين ( كده كده أنا كنت مستمرة في مسابقات ملكات الجمال و ليا الكاريير الخاص بيا) فكل مرة بقرر الانسحاب كان تامر بيرفض و إن كده كده الطلاق قائم سواء أنا في حياته أو لأ و ده مش يخصني في شئ”.

وأكملت :”في الاخر أنا صممت على فسخ الخطوبة بمنتهى الاحترام ما بيني و بينه لأنه مينفعش و كل التوفيق و النصيب بإيد الله. ربنا يوفقه في حياته و يوفقني في خطواتي الجاية ان شاء الله”.

وأنهت حديثها :”تامر انسان محترم مشفتش منه غير كل خير واحترام وحب و أنا بحترمه على المستوى الفني و الشخصي لكن ده نصيب و ربنا يوفقه في حياته واتمني محدش يتكلم في حاجه ميعرفش تفاصيلها وشكرا لكل الناس اللي بتحبني وعرفاني كويس ٔظن أنا جاوبت على كل حاجة و مش هفتح الموضوع ده تاني نهائي أرجو احترام موقفي”.

 


اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى