فن وثقافة

زيدان: معظم الفنانين أصحابي.. وزوجته تكشف هوايته قبل النوم

علق اللاعب المصري السابق محمد زيدان، على مشاركته رفقة زوجته ميناس، في الدورة الحالية من مهرجان الجونة السينمائي، والذي أقيم حفل افتتاحه الجمعة الماضي.

وقال زيدان في لقاء مع موقع “فوشيا”: “أول مرة أكون موجود في مهرجان الجونة، لاعبو الكرة بيحضروا مناسبات كتير زي دي، حضرت مهرجانات قبل كده برة مصر لما كنت بلعب زمان”.

وأضاف: “كنت سعيد جدا إنه يجيلي دعوة للحضور في مهرجان الجونة، في صداقة بتربطني بمنظمي المهرجان وطلبوا مني الحضور وده شرف ليا”.

وتابع: “الرياضة والفن بيكملوا بعض، الفن موهبة مش أي حد يقدر يعمل المجهود الي بيبذله الفنانين، ونفس الكلام ينطبق على الرياضيين بس إحنا في الآخر بنكمل بعض، في المحافل المهمة لمنتخب مصر في إفريقيا وتصفيات المونديال أو الماتشات المهمة للفرق المصرية زي الأهلي والزمالك، بنلاقي مشاهير الفن متواجدين وبيساندونا بقوة وبيحضروا ، وده بيدينا دافع قوي لإنهم أصحابنا في الأساس وبيطمنوا علينا دايما”.

وأكمل زيدان: “معظم الفنانين أصحابي وأخواتي وبتربطني بيهم علاقة صداقة قوية جدًا، لما أكون موجود معاهم وفي وسطهم دي حاجة تشرفني، وشايف إن الحدث ده بيمثل مصر أيا كان فن أو رياضة”.

وواصل: “لما ننظم مهرجان سينمائي في ظل الظروف الصعبة اللي بيعاني منها العالم كله، ده إنجاز كبير ومهم، وبنشكر وزارة الصحة والسياحة والدولة بشكل عام، على الرسالة اللي ساهموا في إيصالها للعالم كله إن مصر مستعدة للمحافل المهمة اللي زي دي “.

واستطرد اللاعب المصري السابق: “إن شاء الله المهرجان يعدي على خير ومنسمعش أي حاجة تضر بصحة أي حد حضر هنا، ونتمنى إن كل الدول العربية تقدر تعمل زي مصر، وكلنا بنكمل بعض، ويا ريت كل الدول تساعد بعضها علشان نعدي الفترة الصعبة دي، والسنة خلاص فاضل عليها شهرين وإن شا الله تبدأ السنة الجاية على خير”.

ومن جانبها، تحدثت زوجة زيدان عن هوايات زوجها المتعلقة بالفن، قائلة لـ”فوشيا”: “هو بيتفرج على الأفلام، والقديم أكتر من الجديد، بليل قبل ما ينام لازم يشغل أفلام أبيض وأسود”.

وقاطعها محمد زيدان، قائلًا: “دايما بنحب نتفرج على الأفلام القديمة أنا وميناس، وهي الي بتعمل الفشار وبالذات وقت الكورونا مكناش بنتفرج غير على أفلام قديمة أو نتفليكس”.

 

 

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى