فن وثقافة

شريف رمزي: زوجتي ريهام طالع عينها.. وأرفض نشر صور أطفالي

 

قدم الفنان المصري شريف رمزي، التهنئة لشقيقته المنتجة شهد رمزي، على طرح فيلمها الجديد “الخطة العايمة”، في دور السينما، من بطولة علي ربيع ومحمد عبد الرحمن “توتة” وغادة عادل وعمرو عبد الجليل.

وقال شريف في لقاء خاص مع موقع “فوشيا” على هامش حضوره العرض الخاص للفيلم: “أقول لأختي ألف مبروك وسعيد جدًا باللي هي بتعمله، مبسوط وفرحان لإنها بتحب السينما والصناعة من وهي صغيرة، وكانت بتحضرلي تصوير كتير ولوالدنا أيضًا، فكان من الطبيعي إنها تعمل حاجة، كل الدعم والمساندة ليها ويا رب تكسر الدنيا”.

وأضاف: “نصحتها كتير قبل ما تاخد الخطوة دي، لإنها أصغر إخواتي، أي حاجة أقدر أقدمها قدمتها، ولكن الخبرة بتكتسب لما الواحد بيعمل الحاجة لوحده، كان سهل إن إحنا اللي ننتج ونحط اسمها على الفيلم بس إحنا متدخلناش خالص”.

وتاع بالقول: “كنا حابين إنها هي اللي تعمل كل حاجة بنفسها، وتعمل الفيلم على ذوقها، مكنش في أي تدخل فني خالص، إحنا بس زودناها بخبرة الدعاية والتسويق وغيره”.

وعن إمكانية مشاركته في عمل فني من إنتاج شقيقته، قال: “لو لقينا حاجة مشتركة نعملها مع بعض مش هنتردد، لو مفيش كل واحد هيشتغل لوحده، في النهاية طالما في اسم محمد حسن رمزي في الموضوع فمفيش مشكلة، كلنا بنشتغل تحت الشعار ده”، مضيفاً: “أنا قليل في أعمالي لإن بعمل الأفلام اللي بتعجبني أوي، واللي هتقدمني بشكل كويس ومختلف، فلو في دور كويس سواء مع شهد أو غيرها أنا الي هبقى عاوز أعمله”.

ومن جانب آخر، تحدث شريف عن حرصه الدائم على عدم نشر صور لأطفاله على السوشيال ميديا، قائلًا: “مش خوف من الحسد، أنا بس مش حابب آخد ليهم خطوة هما لسة ميملكوش القدرة على الاختيار إنهم عاوزين ياخدوها ولا لا، الشهرة حاجة مينفعش أقررها ليهم بالنيابة عنهم، لازم هما الي يختاروا لإنهم ممكن يكونوا مش حابين الشهرة”.

واختتم: “ريهام مراتي طالع عينيها مع الأطفال، المدارس والمذاكرة والدراسة هتبدأ خلاص، السنة دي أول سنة فربنا يكون في عونها، وأنا أي حاجة أقدر أساعد فيها بعمل كده طبعًا وأنا شايف إن الاستثمار الحقيقي بيكون في الأطفال فمقدرش أبخل بلحظة من وقتي على أولادي”.

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى