سلوى عثمان لـ ياسمين صبري: بالراحة على الشباب غير المقتدرة (فيديو)

0


كشفت الفنانة المصرية سلوى عثمان، عن رأيها في السيارة الباهظة التي أهداها رجل الأعمال أحمد أبو هشيمة، لزوجته الفنانة الشابة ياسمين صبري، ونشر صورها على الملأ والكشف عن سعرها والذي يصل إلى 10 ملايين جنيه مصري.

وقالت سلوى في لقاء مع موقع “فوشيا”: “ده جوزها وهو حر يهاديها باللي هو عاوزه، هي مراته عاوز يدلعها أو يجيبلها هدية حلوة، وكل واحد على قد مقدرته، هو عاوز يهادي زوجته حاجة كبيرة هما حرين مع بعض”.

وأضافت: “أنا من أنصار (داري على شمعتك تقيد) مش لازم لما يكون عندي حاجة حلوة أظهرها، مش ضروري أقول أو أعمل إعلان عن هدية جوزي جبهالي، هما لو عاوزين يعملوا كده أكيد هما حرين، بس بالراحة على الشباب الي مش قادر يتجوز ومش قادر يجيب”.

وواصلت: “طبعا بتحصل مقارنات، هو مقتدر وجبلها سيارة غالية، إنتي جوزك هيجيبلك زيها إزاي؟!.. وبقول لياسمين داري على شمعتك تقيد، وبقول للشباب ممكن جدًا تنجحوا وتجيبوا زيهم”.

وعن كيفية انتقائها الأدوار الفنية بعد النجاح الكبير في مسلسل “البرنس”، قالت: “كل دور وليه شغله، مش كل حاجة إنتي هتعمليها هتنجح وتبقى تريند، ومش هينفع نستنى الشغل اللي هيعمل تريند، فلازم نشتغل كل الأداور”.

وأكملت: “في أعمال هتبقى مهمة والناس هتتفرج علينا، وفي أعمال الكتابة فيها توصلك إنك تبقي تريند، زي المشهد الي طلعت بيه تريند في مسلسل البرنس، كان مكتوب حلو أوي من محمد سامي، وأنا جسدته حلو أوي فوصل بسرعة وبقى تريند، ولكن أتمنى يجيلي أدوار أوصل فيها حاجة مهمة للناس وتبقى تريند زي ما حصل في البرنس”.

وعن تعاونها مع المخرج محمد سامي وشقيقته ريم وزوجته مي عمر، قالت عثمان: “طبعا دي العائلة المالكة يا ماما، محمد سامي وريم سامي ومي عمر،، فنانين حلوين ومبدعين، وبالتحديد محمد سامي مبدع وبيحب شغله وبيحب الممثلين وبيكتب حوار حلو أوي، ومخرج عبقري”.

وأردفت: “مي عمر ممثلة جميلة ومجتهدة وبتحب زمايلها وشغلها وملتزمة جدًا في شغلها وعندها استعداد تعمل مجهود كبير أوي علشان كل يوم تعمل حاجة أحسن، وريم سامي كمان موهوبة وعموما الخبرة مهمة أوي، ويوم ورا يوم هتاخد خبرة أكتر وهتفهم أكتر عن طريق الممارسة”.

يذكر أن مسلسل “البرنس” عرض في رمضان الماضي وحقق نجاحًا ساحقًا من حيث نسب المشاهدة، وهو من بطولة محمد رمضان ونور اللبنانية وأحمد زاهر وروجينا ونجلاء بدر وإدوارد ومحمد علاء ورحاب الجمل وسلوى عثمان وسميرة عبد العزيز وأحمد داش وغيرهم.

اترك رد

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.