فن وثقافة

سعيد رمزي: الجمهور لم يفهم إطلالة بشرى.. وروجينا كسرت القواعد

[ad_1]

كشف مصمم الأزياء المصري سعيد رمزي، عن الفنانات اللاتي ارتدين فساتين من تصميمه، خلال حضورهن حفل افتتاح مهرجان الجونة السينمائي، مساء الجمعة الماضي.

وقال سعيد في لقاء مع موقع “فوشيا”: “أمس كان معايا روجينا وبشرى ومي سليم وبسمة وأحمد رزق، بس هتكلم على روجينا بالتحديد، لإن الناس دايما بتخاف من اللون الأحمر على الريد كاربت، بس إحنا كسرنا القواعد كلها واخترنا درجة أحمر تبقى لايقة على السجادة الحمراء، وروجينا كانت مساعدة بإطلالتها اللطيفة وحضورها الهايل فبتلفت الأنظار”.

وعن إطلالة الفنانة بشرى، التي أثارت ضجة على السوشال ميديا، قال رمزي: “الفستان مش كاجوال، هو بسيط جدا ومعاه كيب بيتلبس، والناس مش فاهماه أوي ولا واخدين عليه في الريد كاربت، فاستغربوا الأمر، والناس بياخدوا وقت علشان يتعودوا على الموضة”.

وأردف: “أوقات الكاميرات بتظلم فساتين كتير أوي، بعد سنين كتير بشتغل في مجال الموضة بقولها من باب الخبرة، في فساتين بتبقى عظيمة في الصور، ولما تشوفيها في الحقيقة بتبقى مش حلوة، والعكس”.

وأكمل: “أوقات الفستان يبقى حلو في الصورة وعلى الطبيعة بس المصورين بيظلموا الفستان أو ياخدوا الصورة من زوايا مش حلوة أو الإضاءة متساعدش، أو ممكن ياخد صورة بسرعة وانتي مش واخدة بالك فيطلع مش في أحلى شكل ليه”.

واستطرد: “وزي ما في ناس كتير مكنوش فاهمين فستان بشرى، في ناس أعجبوا بيها، وفي ناس أعجبوا بمي سليم جدا، وبسمة كمان فستانها كان لطيف وناس كتير على السوشال ميديا أشادوا بالفستان”.

واختتم مصمم الأزياء المصري حديثه: “بيكون ليا ستايل معين لتصميماتي، لمسة معينة ، في ناس بتتميز بالجرأة، في ناس بالحاجات البسيطة وهكذا، كل واحد بيكون ليه خط بيمشي عليه في فساتين الريد كاربت، بس أنا شايف كمان بصراحة تحت أي بند من البنود سواء عجبنا الفستان أو لا، أنا بحترم أي بني آدم عمل مجهود وكوافير علشان تظهر بشكل كويس، فلازم نقدر المجهود ده”.

 

 

 

[ad_2]

رياض المالكي

خبير تقني، مسؤول الصيانة و مدير الموقع، صحفي سابق في حياة أخرى..

مقالات ذات صلة

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى