ميدو يهاجم مسؤولين وإعلاميين: شوفتوا أبطال أوروبا، إحنا عندنا استهبال مش كورة
وجه الإعلامي أحمد حسام ميدو، انتقادات لاذعة، للمسؤولين عن كرة القدم في مصر، بعد مشاهدته ما قدمته الفرق الأوروبية، في دوري أبطال أوروبا.
وكتب ميدو عبر حسابه الرسمي عبر موقع تبادل التغريدات القصيرة «x»: «ما نشاهده اليوم وشاهدناه بالأمس في دوري أبطال أوروبا يثبت أن ما نشاهده في مصر لعبة أخرى غير كرة القدم..أكيد دي مش نفس اللعبة!!».
وتابع: «أتمنى من المسئولين عن ملف كرة القدم في مصر أن يطلقوا اسم جديد على اللعبة اللي بتتلعب عندنا..رأيكم ايه أنسب اسم وأوعدكم أني انقل أفضل مقترحاتكم للسادة المسؤولين ..أنا من النهارده هسميها كرة الاستهبال».
ما نشاهده اليوم وشاهدناه بالأمس في #دوري_أبطال_أوروبا يثبت أن ما نشاهده في #مصر لعبة أخرى غير كرة القدم..اكيد دي مش نفس اللعبة!! أتمنى من المسئولين عن ملف كرة القدم في مصر ان يطلقوا اسم جديد على اللعبة اللي بتتلعب عندنا..رأيكم ايه أنسب إسم وأوعدكم اني انقل افضل مقترحاتكم للسادة…
— Mido (@midoahm) April 10, 2024
وواصل: «للأسف المسؤولين عن ملف كرة الاستهبال في مصر ساهموا في تدهور مستوى اللعبة لا وكمان البجاحه مستمره معظمهم متمسكين بمناصبهم وعاوزين يخشوا انتخابات اتحاد الكورة اللي جايه علشان يخلصوا على اللعبة تماما!!».
وأنهى: «ما شاء الله بعض الساده الإعلاميين مستمرين في طريقهم في تمجيد لاعيبة ما بتعرفش تعمل حتى أساسيات اللعبه.. لا دوري ولا مسابقات ناشئين ولا تعليم مدربين ولا تسويق ولا نقل تليفزيوني ولا منتخبات ومجاملات بالجملة وإصرار مستفز على استكمال مسيرة الفشل».
للأسف المسؤولين عن ملف #كرة_الاستهبال في مصر ساهموا في تدهور مستوى اللعبة لا وكمان البجاحه مستمره معظمهم متمسكين بمناصبهم وعاوزين يخشوا انتخابات اتحاد الكورة اللي جايه علشان يخلصوا على اللعبة تماما!! وما شاء الله بعض الساده الإعلاميين مستمرين في طريقهم في تمجيد لاعيبة ما بتعرفش…
— Mido (@midoahm) April 10, 2024
وفي شأن آخر، كشف أحمد حسام ميدو، نجم الزمالك السابق، عن تفاصيل أزمة القلعة البيضاء مع محمد عواد، حارس الفريق الأول لكرة القدم بالنادي، مؤكداً أنه يعاني من تذبذب في مستواه بسبب تلك الأزمة.
وكتب ميدو عبر حسابه الرسمي على موقع التواصل الاجتماعي “إكس”: في أزمة حقيقية في مركز حراسة المرمى في نادي الزمالك، والأخطاء اللي بيعملها عواد مالهاش علاقة بمستواه الفني”.
وأضاف نجم الزمالك السابق: “ أنا دربته قبل كده في الإسماعيلي وفي الوحدة وعارف كويس إن مستواه أفضل بكثير من المستوى اللي بيقدمه دلوقتي مع الفريق”.
وتابع ميدو: “مشكلة عواد الحقيقية إنه لغاية دلوقتي مجددش عقده ومايعرفش السنة الجاية هيكون فين وده أخد جزء كبير من تفكيره ومن تركيزه”.
واختتم: “ شخصية عواد لازم يحس إنه نمرة واحد وإن مستقبله في أمان ساعتها، هيتحول لحارس تاني خالص! لو قرر الزمالك عدم التجديد لعواد فنصيحتي لجوميز لازم تشرك حارس مرمى تاني حتى لو ولد صغير لإن استمرار الموقف كما هو عليه هيكلف الزمالك أسهل بطولة قارية ممكن يفوز بيها”.
تابع موقع الجمهور عبر تطبيق (نبض) اضغط هــــــــنا
تابع موقع الجمهور عبر تطبيق (جوجل نيوز) اضغط هــــــــنا
الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.
وكالات